Qatty jańbyr saldarynan SQO-da kólik qozǵalysyna shekteý engizildi

ASTANA. KAZINFORM — Soltústik Qazaqstan oblysynda jol jabylyp, balama baǵyttar usynyldy, dep habarlaıdy «QazAvtoJol» UK baspasóz qyzmeti.

— Soltústik Qazaqstan oblysynda 2025 jylǵy 10 qyrkúıek kúni saǵat 19:00–den bastap qatty jaýyn-shashyn men kólik qozǵalysynyń artýyna baılanysty «Tımırıazevo — Sarykól — oblys shekarasy» avtojolynyń 0–30 shaqyrymynda (Tımırıazevo aýyly men Qostanaı oblysy shekarasy aralyǵy) barlyq kólik túrleri úshin qozǵalys shekteldi, — delingen habarlamada.

Qostanaı qalasynan Tımırıazev aýdanyna jetý úshin kelesi respýblıkalyq mańyzdaǵy avtojoldardy paıdalanýǵa bolady:

• KAZ03: «Astana — Atbasar — Jaqsy — Rýzaevka — Sarykól — Qostanaı (aınalyp ótý joly) — RF shekarasy (Qaıraq ótkizý beketi)» (553–768 km aralyǵy);

• KAZ13: «Jezqazǵan — Arqalyq — Petropavl» (673–786 km aralyǵy);

• KZ15-05: «Voloshınka — Sergeevka — Tımırıazevo» (56–119 km aralyǵy).

Aıta keteıik, qozǵalysty qaıta qalpyna keltirý 2025 jylǵy 11 qyrkúıek kúni saǵat 19:00–de josparlanyp otyr.

Buǵan deıin Soltústik Qazaqstan oblysynda eki polıtsııa qyzmetkeri zardap shekken oqıǵaǵa baılanysty qylmystyq is qozǵalǵany habarlandy.