Qatty jańbyr men +40°S ystyq: aldaǵy úsh kúnge arnalǵan aýa raıy boljamy jarııalandy
ASTANA. KAZINFORM — «Qazgıdromet» RMK 16-18 maýsymǵa arnalǵan Qazaqstan boıynsha aýa raıy boljamyn usyndy.
Atmosferalyq fronttardyń ótýine baılanysty Qazaqstan aýmaǵynda aýa raıy qubylmaly bolady dep kútiledi. Jańbyr jaýyp, naızaǵaı oınaıdy, jel kúsheıedi, ekpindi jel soǵyp, burshaq túsýi múmkin.
16 maýsymda Mańǵystaý, Soltústik Qazaqstan jáne Aqmola oblystarynda, al 18 maýsymda Soltústik Qazaqstan jáne Aqmola oblystarynda qatty jańbyr kútiledi.
Kúndiz aýa temperatýrasy elimizdiń ońtústik-batysynda jáne ońtústiginde +35…+40°S-qa deıin kóterilip, qatty ystyq bolady.
Soltústik, shyǵys jáne ortalyq óńirlerde de aýa temperatýrasy +35…+38°S-qa deıin joǵarylap, qatty ystyq saqtalady.
Eldiń qalǵan aýmaǵynda temperatýralyq fonda aıtarlyqtaı ózgerister kútilmeıdi.
Aıta keteıik, 16 oblysta eskertý jarııalandy.
