Qatty nóser men burshaq saldarynan Bolgarııa astanasyn sý basty
ASTANA. KAZINFORM — Bolgarııanyń Sofııa qalasynda burshaq aralasqan qatty nóser jaýdy. Sonyń saldarynan qalanyń keıbir kóshelerin sý basyp, aǵashtar qulap, baǵdarshamdar zaqymdandy, dep habarlaıdy Anadoly.
Sofııa mýnıtsıpalıtetiniń málimdeýinshe, burshaq pen nóser jańbyr saldarynan qalanyń keıbir kósheleri men joldaryn sý basty.
Daýylǵa baılanysty 14 sý basý jaǵdaıy, 34 aǵashtyń qulaǵany jáne úsh baǵdarsham júıesiniń isten shyqqany týraly habarlama túsken.
Bolgarııanyń Ulttyq meteorologııa jáne gıdrologııa ınstıtýtynyń habarlaýynsha, qolaısyz aýa raıyna baılanysty eldiń 16 óńirinde «sary» deńgeıli eskertý jarııalanǵan. Keıbir aýdandarda naızaǵaı oınap, nóser jaýyn quıyp, burshaq jaýýy múmkin.
Buǵan deıin 25 tamyzda Qazaqstannyń 16 oblysynda aýa raıyna baılanysty eskertý jasalǵanyn jazǵanbyz.
Sonymen qatar eldiń birqatar óńirinde burshaq jaýatyny da aıtyldy.
