Qatty aıazdan Túrkistan oblysynda joldar jabylyp, mektepter onlaınǵa kóshti

Túrkistan oblysynyń taýly aımaqtarynda burqasyn jel bastalyp, kún raıy kúrt ózgerdi, dep habarlaıdy Kazinform.

Qazirgi kezde óńirdegi Báıdibek pen Túlkibas aýdandaryn baılanystyratyn jol, «Batys-Eýropa-Batys-Qytaı» trassasy, Qoshqarata-Jaryqbas-Birlik, Shaıan-Aǵybet-Shaqpaq, Kóksáıek-Aqsý-Myńbulaq baǵytyndaǵy joldar jabyq. Keı jerlerdi qalyń qar bassa, keı joldarǵa muz qatqan.
Kúsheıtilgen rejımde jumys istep jatqan patrýldik polıtsııa batalony keshke keshkisin jolda adasyp ketken birneshe jeńil kóliktiń jolaýshylaryn qutqardy. Sonymen qatar aýyr júk kólikteriniń qozǵalýyna kómek kórsetip jatyr.

«Tártip saqshylary turǵyndardyń qaýipsizdigi úshin úzdiksiz qyzmetti jalǵastyrady jáne turǵyndarǵa uzaq jolǵa shyqpaýǵa keńes beredi», — delingen Túrkistan oblysy polıtsııa departamentiniń baspasóz qyzmeti taratqan aqparatta.

Qatty aıazdan qazirgi kezde birneshe aýdanda mektepter onlaın oqytýǵa kóshti. Atap aıtar bolsaq, Sozaq, Ordabasy, Kentaý qalalarynda bastaýysh synyp oqýshylary qashyqtan oqyp jatyr.