Qatty aıaz: Erteń astanada 0-11 synyp oqýshylary mektepke barmaıdy

Astanada erteń de oqýshylar úıden oqıdy, dep habarlaıdy Kazinform qalalyq bilim basqarmasyna silteme jasap. 

Eske sala keteıik, búgin eki aýysymda da 0-9 synyp oqýshylary sabaqqa barǵan joq edi. 

Sebep — 25-30 gradýs shamasynda qatty aıaz. 

Keshkilik Astana qalasynyń bilim basqarmasy málimet taratyp, 12 jeltoqsan kúni aýa raıynyń qolaısyzdyǵyna baılanysty birinshi aýysymnyń 0-11 synyp oqýshylary jáne 1-2 kýrs kolledj stýdentteri qashyqtan oqytý formatyna aýysqanyn habarlady.