Qatonqaraǵaıǵa Almaty men Astanadan tikeleı reıster qatynaıdy

ASTANA.KAZINFORM — Keler jyly Qaton-Qaraǵaıǵa Almaty men Astanadan tikeleı reıster qatynaıtyn bolady. Bul týraly 24 kz habarlady. 

Kólik mınıstrliginiń dereginshe, Qaton-Qaraǵaı men Zaısan boıynsha ushý-qony oryndary aıqyndaldy. Týrıstik aımaqtarla áýejaılardyń qurylysy 2025 jyly bastalady.

— Qaton-Qaraǵaıda Soldatov degen jerde, al Zaısanda Sátbaı degen jerde bolady. Oǵan Ónerkásipti qoldaý qory arqyly ATR degen arnaıy ushaqtar satyp alynbaq. Óıtkeni bizde oǵan ushatyn Bombardier degen 5 qana ushaq bar, — dedi mınıstr Marat Qarabaev.

QR Kólik mınıstriniń aıtýynsha, ushyp-qoný alańy máselesine kóp oılanǵan. 

 — Biz tek qana ol jaqqa Óskemennen ushatyn óńirlik ushý-qoný alańy bola ma kishigirim nemese úlken jasaımyz ba dep kóp oılandyq. Tolyqqandy sheshimimiz bylaı boldy. 1000-1500 shaqyrymǵa usha alatyn Bombardier Q400 degen Qazaq Air-diń ushaqtary bar. Solardyń ushaqtary usha alatyn úlken ushý-qoný alańyn jasaımyz. Onyń uzyndyǵy 2200 shaqyrym bolady. Sonda Astanadan, Almatydan tikeleı Qaton-Qaraǵaıǵa, Zaısanǵa ushý múmkindigi bolady. Ónerkásipti qoldaý qory bar, sol arqyly taǵy da ATR-72 ushaqtaryn satyp alamyz. Kelesi jyly tolyǵymen eki áýejaıdyń qurylysyn aıaqtaımyz, — deıdi ol. 

Eske sala keteıik, buǵan deıin Qatonqaraǵaı men Zaısanǵa áýejaı salý týraly ShQO ákiminiń pikirin bergen bolatynbyz.