Katonqaraǵaıdyń Sarymsaqty jotasynda qar barysy alǵash ret fototuzaqqa tústi
ÓSKEMEN. QazAqparat – Katonqaraǵaı ulttyq parkiniń Sarymsaqty jotasynda qar barysy alǵash ret fotoǵa túsip qaldy, dep habarlaıdy QazAqparat tilshisi.
Ulttyq parktiń paraqshasynda jarııalanǵan aqparatqa sáıkes, Panthera uncia qar barysy (Schreber, 1775) — Qazaqstan Respýblıkasynyń Qyzyl kitabyna jáne Halyqaralyq tabıǵatty qorǵaý odaǵynyń (IUCN) Qyzyl tizimine engizilgen sútqorektilerdiń sırek kezdesetin túri.
«Ótken jyly janýarlarlar álemin qorǵaý jáne ósirip-óndirý bóliminiń bastyǵy Erik Qasymov Sarymsaqty jotasyna BUU Damý baǵdarlamasynyń «Ártúrli paıda alý úshin negizgi ǵalamdyq mańyzy bar ekojúıelerdi saqtaý jáne ornyqty basqarý« jobasyn iske asyrý aıasynda alynǵan fototuzaqty ornatqan edi.
Bir jylǵa jýyq ýaqyt jumys istegen fototuzaq Altaı ormanshylyǵynyń aýmaǵynda qar barysynyń túngi ótkelin túsirip aldy. Bul - Sarymsaqty jotasynan alynǵan alǵashqy foto. Buǵan deıin ulttyq parkte qar barysynyń fotolary men beıneleri Altaı Tarbaǵataı jotasynan alynǵan bolatyn»,- delingen ulttyq park aqparatynda.
Aıta keteıik, osy jyldyń 29 naýryzynda Altaı taýynyń Qazaqstan bóliginde qar barysy túsirilgen (Panthera uncia) alǵashqy vıdeo Katonqaraǵaı ulttyq tabıǵı parkiniń jelidegi paraqshasynda jarııalanǵan edi.
QR Ekologııa, geologııa jáne tabıǵı resýrstar mınıstri Maǵzum Myrzaǵalıev Qazaqstanda búgingi tańda 130-ǵa jýyq qar barysy bar ekenin aıtqan bolatyn.
Orman sharýashylyǵy ókilderiniń atýynsha, sońǵy ýaqytta óńirlerde qar barysy fototuzaqtarǵa jıi túse bastaǵan.
