Katonqaraǵaıdyń orman alqabynda órt shyqty
ASTANA. KAZINFORM — Shyǵys Qazaqstan oblysy Katonqaraǵaı aýdanynda memlekettik ulttyq tabıǵı park aýmaǵynda, Qabyrǵa aýyly mańyndaǵy Altaı ormanshylyǵynyń taýly bóliginde órt shyqty. Bul týraly TJM málim etti.
— Órtti sóndirýge orman sharýashylyǵy qyzmetkerleri men sý tógý qurylǵysymen jabdyqtalǵan QR TJM «Qazavıaqutqarý» tikushaǵy jedel jumyldyryldy. Tikushaq arqyly barlyǵy 8 ret sý tógildi, — delingen habarlamada.
Ýaqtyly qabyldanǵan sharalardyń arqasynda órttiń odan ári taralýyna jol berilgen joq. Órt 10 sharshy metr aýmaqta tolyq sóndirildi.
Aldyn ala málimet boıynsha, órttiń shyǵýyna aǵashqa naızaǵaı túsýi sebep bolǵan.
Buǵan deıin TJM ulttyq parkterdegi órtti arnaıy kameralar arqyly baqylaıtynyn jazdyq.
