Katonqaraǵaı ulttyq parkinde fototuzaqqa sileýsin tústi
ASTANA. KAZINFORM - Katonqaraǵaı memlekettik ulttyq tabıǵı parkiniń Arshaty ormanshylyǵynda fototuzaqqa sileýsin tústi, dep habarlaıdy QR Ekologııa jáne tabıǵı resýrstar mınıstrliginiń baspasóz qyzmeti.
Fototuzaqty memlekettik ınspektor Jomart Amanbaev ornatqan.
Aıta keteıik, onyń esimi Katonqaraǵaıdaǵy jabaıy tabıǵatty baqylaýdyń erekshe tarıhymen baılanysty.
2014 jyly Jomart Amanbaev ulttyq park aýmaǵynda ilbisti fototuzaq arqyly alǵash ret tirkegen.
Sol kezde kameraǵa atalyq, analyq jáne úsh kúshigi túsken bolatyn. Bul joly ınspektor ornatqan fototuzaq ormannyń taǵy bir jasyryn turǵyny — sileýsindi tirkedi. Sileýsin kóbine jasyryn tirshilik etedi jáne adam kózine jıi túse bermeıdi. Sondyqtan fototuzaqtaǵy mundaı kadrlar janýarlardy tabıǵı ortasynda baqylaýǵa jáne olardyń meken etý aýmaǵy týraly málimet jınaýǵa múmkindik beredi.
-Bir kezderi qar barysyn tirkegen ınspektordyń fototuzaǵyna endi sileýsin tústi. Katonqaraǵaıdyń jabaıy tabıǵaty bizge áli talaı qyzyqty kadr usynary sózsiz,-delingen habarlamada.
Osyǵan deıin Qarqaralydaǵy fototuzaqqa qasqyrlar túsip qalǵan bolatyn.
