Katonqaraǵaıda paıdalanylmaǵan jer ýchaskeleri memleket menshigine ótti
ASTANA. KAZINFORM — ShQO prokýratýrasy paıdalanylmaı jatqan aýyl sharýashylyǵy jerlerin memleketke qaıtardy. Bul týraly óńirlik prokýratýra málim etti.
Katonqaraǵaı aýdanynyń prokýratýrasy jer zańnamasynyń saqtalýyna júrgizilgen taldaý aıasynda aýyl sharýashylyǵy maqsatyndaǵy jerlerdi utymsyz paıdalaný faktilerin anyqtady.
— Jalǵa alýshylardyń sharýa nemese fermer qojalyǵyn júrgizýge arnalǵan jerlerdi bir jyl boıy óz maqsatynda paıdalanbaǵany anyqtaldy. Prokýrorlyq qadaǵalaý aktisi boıynsha jalpy aýdany 2092,6 ga, kadastrlyq quny 17,7 mln teńgeni quraıtyn jer ýchaskeleri memleketke qaıtaryldy, — delingen habarlamada.
Jer resýrstarynyń nysanaly paıdalanylýy máseleleri prokýratýra organdarynyń erekshe baqylaýynda.
Eske sala keteıik, buǵan deıin Atyraý oblysynda jyl basynan beri jalpy aýmaǵy 5,1 myń gektar bolatyn 13 jer ýchaskesi memleket menshigine qaıtarylǵan bolatyn.
