Katonqaraǵaıda qonaqúı tapshylyǵy máselesi ózektiligin joımaı tur

ÓSKEMEN. KAZINFORM – Shyǵys Qazaqstan oblysy Katonqaraǵaı aýdanyna jańa qonaqúıler salý úshin ınvestor izdestirilip jatyr.

ShQO Týrızm basqarmasynyń málimetine súıensek, búginde óńirge aqsha quıǵan ınvestorlarǵa týrıstik nysandardy salýǵa jumsaǵan shyǵyndarynyń 10 paıyzyna deıin ótemaqy beriledi. Mundaı qoldaýdy Altaı aýdanynda kásipker qonaqúı qurylysy kezinde alǵan. Sondaı-aq Katonqaraǵaıdaǵy «Baıan» demalys bazasyna qatysty da osyndaı jeńildik berý qarastyrylyp otyr.

Buǵan qosa, jergilikti bıýdjet esebinen týrıstik avtobýstar baǵasynyń 25 paıyzyna deıin sýbsıdııalaý kózdelgen. Qazir jańa baǵyttar ázirlenip jatyr.

- Іshki týrızm jyl saıyn ósip keledi. Biraq biz kóptep keletin týrısterdi qabyldaýǵa áli tolyq daıyn emes ekenimizdi túsinýimiz kerek. Ásirese Katonqaraǵaıda qonaqúı tapshylyǵy máselesi óte ózekti. Búginde aýdan ákimi qonaqúıler salýǵa arnalǵan jer telimderin bólýmen aınalysyp jatyr. Jaqyn arada jańa nysandar salýǵa nıetti ınvestorlar tabylady dep úmittenemin, - deıdi basqarma basshysy Erjan Sembınov.

Eske salsaq, osyǵan deıin týrızm salasyndaǵy negizgi kapıtalǵa salynǵan ınvestıtsııa kólemi 460 mlrd teńgeden asqany habarlanǵan.