Katonqaraǵaıda boı kóteretin áýejaıdy qaı kompanııa salady
ÓSKEMEN. KAZINFORM – Shyǵys Qazaqstan oblysyndaǵy Katonqaraǵaı men Zaısan aýdandarynda boı kóteretin áýejaılardy qaı kompanııa salatyndyǵy belgili boldy.
Shyǵys Qazaqstan oblysynda eki áýejaıdyń qurylysyn bastaýǵa daıyndyq júrip jatyr. Áýejaılar Zaısan men Katonqaraǵaı aýdandarynda boı kótermek. Bul týraly ShQO jolaýshy kóligi jáne avtomobıl joldary basqarmasynan málim etti.
— Jobalaý men qurylys jumystaryn «QazAeronavıgatsııa» respýblıkalyq memlekettik kásiporny júrgizedi. Ol 2026 jylǵa deıin áýejaılardy salyp bitýi tıis. Bastapqy kezeńde Q400, ATR 42/72, CRJ200 ushaqtary úshin uzyndyǵy 2200 metr jáne eni 35 metrlik jasandy ushý-qoný jolaqtaryn salý qarastyrylǵan, - deıdi basqarma basshysy Nurjan Jumadilov.
Týrıster aǵyny kóbeıse, ushý-qoný jolaǵyn 45 metrge deıin, al uzyndyǵyn 2600 metrge deıin ulǵaıtý josparlanyp otyr. Bul Airbus A320, Boeing 737 sııaqty keń fıýzelıajdy ushaqtardy qabyldaýǵa múmkindik bermek.
Eske salsaq, buǵan deıin Prezıdent Úkimetke Astana áýejaıyndaǵy avıakerosınniń baǵasyn retteýdi tapsyrǵany habarlanǵan.