Katonqaraǵaı ulttyq parkinde qar qalyń túsip, ańdardyń ash qalý qaýpi týyndady
ÓSKEMEN. KAZINFORM – Shyǵys Qazaqstan oblysyndaǵy Katonqaraǵaı memlekettik ulttyq parkinde qar qalyń túsip, ańdardyń ash qalý qaýpi týyndady.
Ulttyq parkte jyl saıyn qańtar aıynda eń qarly kezeń bastalady. Bıyl da ádettegideı qar qalyń túsip, jabaıy ańdardyń ashyǵyp qalý qaýpi týyndady. Soǵan oraı park qyzmetkerleri olardy qorektendirip jatyr.
Qazir munda qardyń qalyńdyǵy 60-80 santımetrge jetken. Jeltoqsan aıy bastalǵaly ınspektorlar arnaıy jabdyqtalǵan ydystarǵa 27 tonna shóp, 3 tonna astyq, 4 tonna tuz jetkizgen. Sol jerge kelip elik, maral, sileýsin syndy túz taǵylary qorektenip jatyr.
- Bul jumystar demalys kúnderi de júrgizilip otyrady. Inspektorlar aýa raıynyń qıyndyǵyna qaramastan óz aýmaqtarynda jem daıyndaýda. Sondaı-aq týrısterdiń qaýipsizdigin de qamtamasyz etýde, - deıdi Katonqaraǵaı ulttyq tabıǵı parki dırektorynyń orynbasary Arnas Aýǵanbaev.
Katonqaraǵaı aýdanynda qys jeti aıǵa sozylady. Osy kezeńde jabaıy ańdardy azyqtandyrý úshin 250 tonna shóp, 33 tonna astyq, 27 tonna tuz daıyndalǵan.
Eske salsaq, osyǵan deıin Shyǵys Qazaqstanda sileýsin aýyl ishine kirip ketkeni habarlanǵan.
