Katonqaraǵaı parkinde ilbisterdiń sırek kezdesetin túrleri fototuzaqqa ilindi
ASTANA. KAZINFORM - Katonqaraǵaı memlekettik ulttyq tabıǵı parkinde ornatylǵan fototuzaqtar ilbisterdiń sırek kezdesetin kadrlaryn tirkedi, dep habarlaıdy QR Ekologııa mınıstrliginiń baspasóz qyzmeti.
-Aldymen fototuzaq obektıvine atalyq ilbis ilikti. Ol kameraǵa jaqyndap, ıiskep kórdi de, basqa jaqqa buryp jiberdi. Biraq ekinshi fototuzaq eń mańyzdy sátti saqtap qaldy,-delingen habarlamada.
Kadrda — analyq qar barysy men onyń úsh alany. Anasynyń janynda oınap júrgen alandar — qar barystarynyń adam kózine kórine bermeıtin otbasylyq tirshiligin tamashalaýǵa múmkindik bergen asa sırek kórinis.
Eń qyzyǵy, bir qar barysy kamerany basqa jaqqa buryp jatqanda, ekinshi fototuzaq osy bir otbasylyq sátti taspaǵa túsirip úlgergen.
Osyǵan deıin Batys Altaı qoryǵynda maral fototuzaqqa ilikken bolatyn.
