Katonqaraǵaı memlekettik ulttyq tabıǵı parkinde fototuzaqqa eki búrkit tústi
ASTANA. KAZINFORM - Katonqaraǵaı memlekettik ulttyq tabıǵı parkiniń aýmaǵyndaǵy fototuzaqqa bir mezette eki búrkit tústi, dep habarlaıdy QR Ekologııa jáne tabıǵı resýrstar mınıstrliginiń baspasóz qyzmeti.
Búrkit – Altaı tabıǵatynyń aıbyndy jyrtqysh qustarynyń biri. Fototuzaqtar janýarlar men qustardy tabıǵı ortasynda mazalamaı baqylaýǵa jáne olardyń tirshiligi týraly qundy derekter jınaýǵa múmkindik beredi.
-Al myna jer sizderge tanys pa? Dál osy aýmaq buǵan deıin fototuzaqqa túsken qar barysynyń kadrlarynan kópshilikke tanys bolǵan. Bir mekenniń jabaıy tabıǵattyń túrli ókilderine ortaq bolýy – erekshe kórinis,-delingen habarlamada.
Osyǵan deıin Ústirt qoryǵyndaǵy janýarlardyń tabıǵat aıasyndaǵy tirshiligi fototuzaqqa túsirilgeni týraly jazdyq.
