Katonqaraǵaı aýdanynda ózen arnasynan shyǵyp, aýyldy sý basa jazdady

Shyǵys Qazaqstan oblysy Katonqaraǵaı aýdanynda úılerdi sý basý qaýpi seıildi, dep habarlaıdy Kazinform.

Keshe Katonqaraǵaı aýdanyndaǵy Órel ózeni arnasynan asyp, sý 3 úıge kirip, 9 úıdiń aýlasyna jaıylǵan bolatyn.

Soǵan baılanysty arnaıy tehnıkalar jumyldyrylyp, motopompalarmen sý sorylyp, syrtqa shyǵarylǵan.

Qum salynǵan qaptardan bógetter qoıylyp, ózen arnasyn qar-muzdan tazartý jumysy qolǵa alyndy.

«15 jeltoqsan saǵat 14.00-de Órel ózeniniń arnasy qar-muzdan tolyqtaı tazartyldy. Úıler men aýlalardy sý basý qaýpi joq», — deıdi Katonqaraǵaı aýdanynyń ákimi Dildar Qalıqan.

Eske salsaq, Óreldegi sý deńgeıiniń kóterilýine kúnniń kúrt sýytýyna baılanysty ózen arnasyna muz qatýy sebep bolǵan.