Katonqaraǵaı aýdanynda 4 ilbis fototuzaqqa túsip qaldy
ÓSKEMEN. KAZINFORM – Shyǵys Qazaqstan oblysy Katonqaraǵaı aýdanynda 4 ilbis fototuzaq obektıvine ilindi.
Bul týraly Katonqaraǵaı memlekettik ulttyq tabıǵı parki ókilderi habarlady. Fototuzaqty ormanshy Jomart Amanbaev ornatqan.
Kadrlardan kóringendeı, ilbis úsh alanymen birge kele jatyr.
- Bul óte erekshe jaǵdaı. Óıtkeni alandar anasynyń janynda shamamen eki jyl bolady. Osy ýaqytta olar ań aýlaýdy, qaýipten saqtanýdy úırenedi. Mundaı kadrlar ulttyq park aýmaǵynda janýarlardyń sırek túrleriniń ósip-ónýine qolaıly jaǵdaı saqtalyp otyrǵanyn kórsetedi, - delingen aqparatta.
Qar barysy - Altaıdyń asqaq taýlary men tumsa tabıǵatynda mekendeıtin, Qazaqstannyń Qyzyl kitabyna engen sırek jyrtqysh.
Eske salsaq, osyǵan deıin Qyzylordada bıologııalyq tepe-teńdikti saqtaý úshin qasqyr aýlanyp jatyr.