Katolıktik shirkeýden kelgen pirádar áıel «Italııa daýysynan» keıin tanymal bolyp ketti
ASTANA. QazAqparat - Áleýmettik jeliler Sıtsııalııadaǵy jas taqýa áıelge úlken dańq ákeldi. Onyń «Italııa daýysyndaǵy» vıdeosy ınternet arqyly búkil álemge tarap, 12 mln. ret qaralyp úlgergen, dep habarlaıdy ITAR-TASS.
25 jasar Krıstına ápkeı Alısha Kızdiń óleńin oryndaǵan bolatyn. Baǵdarlama erejeleri boıynsha, qazylar alqasy sahnaǵa shyqqan ánshilerdi kóre almaıdy. Tamasha daýystyń ıesi monahtardyń qara kımeshegin kıgen pirádar jas qyz ekendigin kórgen kezde, olar tańdanystaryn jasyra almady. Óziniń mártebesine qaramastan, ol ózin telekameralar aldynda óte erkin ustaı aldy.
Baǵdarlamaǵa qatysýǵa nelikten kelgendigin olar qysqa ǵana túsindirdi: «Meniń boıymda daryn bar, sony bólisýge keldim». Krıstına endi Rım Papasy Frantsısktan telefon qońyraýyn kútip otyrǵandyǵyn da jasyrmady.
Sahna syrtynda oǵan shirkeýden kelgen ózge de ápkeıler jankúıerlik etti. Olardyń aıtýynsha, Krıstına án salýdy qatty unatady jáne San-Remo, «H-Faktor» syndy baǵdarlamalardy súıip kóretin kórinedi. Degenmen ol tek «Italııa daýysyna» qatysýǵa múmkindik alǵan.
