Katolıkter sharıǵatpen ómir keshýge kóshti
ASTANA. QazAqparat - Indonezııanyń Acheh provıntsııasy sharıǵat talaptaryn zańnamalyq quqyq negizinde qoldanýǵa kóshti. Aıta keterligi, atalmysh zań talaptary barlyq din ókilderine birdeı qoldanylatyn bolady, dep habarlady muslim.kz.
Acheh - Indonezııadaǵy 34 provıntsııanyń ishindegi sharıǵat zańdarymen júretin jalǵyz aımaq. Ústimizdegi jyldyń qyrkúıek aıyna deıin nekesiz pen gomoseksýaldyq qatynas zańmen jazalanbaıtyn bolǵan edi. Endi sharıǵat tyıymdaryn buzǵandarǵa aıyppul salynyp nemese abaqtyǵa jabýǵa tolyq negiz bar. Sondaı-aq, alkogoldi ishimdik satqandar men qoldanýshylar da jazadan tys qalmaıdy.
Amnesty International atty quqyqtyq uıym Achehtegi jańa zań jobasy boıynsha narazylyq tanytyp, qarsylyq kórsetken bolatyn. Alaıda, zań shyǵarýshylardyń qaýiptenýi uzaqqa sozylmady. Jergilikti katolık dinidegiler sharıǵat talaptarymen júrip-turýǵa esh qarsylyq tanytqan joq.
«Áli birde-bir katolık dinindegiler sharıǵat zańyn buzyp kórgen joq. Osylaı jalǵasa beretinine úmittimiz», - deıdi Achehtegi katolıktik shirkeý pastory Hermanýs Sahar.
