Katmandý áýejaıynda Turkish Airlines ushaǵynyń shassı dóńgelekteri órtendi
ASTANA. KAZINFORM – Nepal astanasy Katmandýdaǵy Trıbhývan halyqaralyq áýejaıynda qoný kezinde Turkish Airlines áýe kompanııasynyń ushaǵynyń shassı dóńgelekteri órtendi. Bul týraly Sınhýa habarlady.
Áýejaı qaýipsizdigi departamentiniń ókili Radj Kýmar Sılvaldyń aıtýynsha, órt shyqqannan keıin jolaýshylar avarııalyq shyǵý esigi arqyly evakýatsııalanǵan.
– Órt sóndirýshiler jalyndy sóndirip jatqan kezde jolaýshylar shuǵyl túrde syrtqa shyǵaryldy. Ushaqtaǵy 276 jolaýshy men ekıpajdyń 11 múshesi aman-esen qutqaryldy, – dedi Radj Kýmar Sılval.
Oqıǵa ushý-qoný jolaǵynda bolǵandyqtan, áýejaıdaǵy ushaqtardyń ushyp-qoný jumystaryna ýaqytsha qıyndyq týǵyzǵan.
Al Nepal azamattyq avıatsııa basqarmasynyń aqparat bóliminiń qyzmetkeri Gıanendra Bhýl mamandar apatqa ushyraǵan ushaqty rýldeý jolaǵyna súırep shyǵarý jumystaryn júrgizip jatqanyn málimdedi.
Aıta keteıik, buǵan deıin Ońtústik Sýdanda ushaq qulap, 14 adam mert bolǵany habarlanǵan edi.
