Qatty jel soǵyp tur, jol kórinbeıdi: Kólik mınıstrligi ahýaldyq ortalyǵynda jedel shtab quryldy
Kólik mınıstrliginiń ahýaldyq ortalyǵynda Túrkistan jáne Jambyl oblystaryndaǵy kún raıy jaǵdaıyna baılanysty jedel shtab quryldy.
Bul týraly QR Kólik mınıstrligi Avtomobıl joldary komıtetiniń tóraǵasy Tólegen Abdýllın málim etti, dep habarlaıdy Kazinform mınıstrliktiń baspasóz qyzmetine silteme jasap.
Baspasóz qyzmetiniń málimetterine qaraǵanda, qazirgi ýaqytta joldyń kórinbeýine jáne sekýndyna 43 metrge deıin jyldamdyqpen jel soǵýyna baılanysty Mashattan Shaqpaq babaǵa deıin jol júrý qıyndaı tústi.
Jol salasy mamandary tazalaý jumystarymen aınalysyp jatyr, alaıda joldyń kórinbeýine baılanysty bul jumys qıynǵa soǵýda. Jambyl oblysynan Shymkent qalasyna deıin kólik qozǵalysyna shekteý qoıyldy. Sonyń saldarynan kólikter jınalyp jatyr. Jergilikti organdar tótenshe jaǵdaılar, jol polıtsııasy jáne jol qyzmetterimen birlesip, júrgizýshiler men jolaýshylarǵa ystyq tamaq uıymdastyrdy.
«Shaqpaq baba ýchaskesinde 35-ke jýyq avtokólik qar qursaýynan shyǵarylyp, jylytý pýnktterine jiberildi. Aýa-raıy boljamy boıynsha kún kelesi kúni ǵana ońala túsedi. Avtokólik júrgizýshileriniń qaýipsizdigi úshin jaqyn mańdaǵy eldi mekenderden, sonyń ishinde iri qalalardan saparǵa shyǵýdan bas tartýdy suraımyz»,-delingen habarlamada.
