Qaterli isikti jedel emdeý tásili tabyldy
ASTANA. QazAqparat - Amerıkalyq zertteýshiler qaterli isikti emdeýdiń jańa tásilin tapty.
Mamandar aýrýy ábden asqynǵan adamdarǵa tájirıbe júrgizip, 94 paıyz jaǵdaıda oń nátıjege qol jetkizgen. Emniń ereksheligi sol - tyń ádis arqyly aǵzadaǵy jasýshalardy qaıta jańartýǵa bolady eken. Osynyń arqasynda aǵzadaǵy T-lımfotsıtterdiń qaterli isikke qarsy turý múmkindigi artady.
Jalpy bul dertten aıyqtyrý úshin álemde túrli zertteýler jasalǵany belgili. Alaıda AQSh-tyń Sıetl qalasyndaǵy tyń ádistiń áseri bárinen tıimdi kórinedi.
Aıta ketý kerek, ázirge jańa em qaterli isiktiń belgili túrlerin emdeýge ǵana qaýqarly. Biraq zertteýshiler aldaǵy kezde osy olqylyqtyń ornyn toltyrýdy josparlap otyr, dep jazady 24.kz.
«Biz T-lımfotsıtterdiń ómirsheń túrin ǵana jasap jatyrmyz. Olar adam aǵzasynda óte uzaq tipti ómir boıy júre alady. Jańa kletkalar ımmýnıtettiń qaterli isikke qarsy turý qabiletin kúsheıtip qana qoımaı, qaıta qabynýynan qorǵaıdy», - deıdi onkolog Stenlı Rıddell.
