Qaterli isikten kóz jumarynan bir kún buryn súıgenine úılenip úlgerdi - VIDEO
ALMATY. QazAqparat - Qaterli isik aýrýyna shaldyqqan jigit qaıtys bolar aldynda súıgen qyzyna úılendi. Neke qııý rásimi Fılıppın astanasy Manıladaǵy aýrýhanalardyń birinde boldy. Kelesi kúni jigit janyn jegen naýqastan kóz jumdy, dep habarlaıdy ABS-CBN.
Roýden men Lızl úılený toılaryn 2014 jyldyń shildesinde ótkizýdi josparlaǵan eken. Alaıda 29 jastaǵy Roýden mamyr aıynda óziniń qaterli isikke shaldyqqanyn bilgen. Ólimniń daýasyzdyǵyn bilgen ol súıgen qyzymen tez arada nekesin qııýdy oılaıdy.
Beınejazbada jas jubaılardyń jaqyndary kóz jastaryn tyıa almaýda. Lızl Roýden ekeýinen eki jyl buryn týǵan qyzyn jetektep keledi.
Beınejazbany YouTube-qa salǵan Roýdenniń aǵasy ony barlyq álemniń tamashalaýyn qalaǵanyn aıtty.
Qazir vıdeony 3 mln-nan astam kórgen.
