Qaterli isikke ushyraǵan balalardy aman alyp qalý kórsetkishi 74% jaqsarǵan
Sharaǵa Qazaqstannyń barlyq aımaqtarynan jáne Belarýs, Reseı, Tájikstan, Ózbekstan, Ulybrıtanııa, Germanııa, Ýkraına, Chehııa elderiniń pedıatrlary men balalar hırýrgtary, ǵylymı ınstıtýttardyń jetekshi mamandary men basshylary, sondaı-aq medıtsınalyq JOO professorlary qatysty.
Oflaın jáne onlaın formatynda óken konferentsııada 4 myńnan astam balalar dárigerleri ózara tájirıbe almasty.
Densaýlyq saqtaý vıtse-mınıstri Vıacheslav Dýdnık óziniń quttyqtaý sózinde densaýlyq saqtaý mınıstrliginiń balalarǵa medıtsınalyq kómek kórsetý sapasyn jaqsartýǵa baǵyttalǵan birqatar mańyzdy bastamalaryn atap ótip, Pedıatrııa ortalyǵyn 90 jyldyq mereıtoıymen quttyqtady.
«Tuqym qýalaıtyn aýrýlar men týa bitken damý aqaýlaryn erte anyqtaý maqsatynda elde júkti áıelder men balalarǵa skrınıngtik zertteýler júrgiziledi. Jyl saıyn 400 myńnan astam júkti áıel jáne 1,6 mıllıonnan astam bala skrınıngpen qamtyldy. 18 qursaqtaǵy náresteni qorǵaý ortalyǵy qurylyp, 1,5 myńnan astam balaný damytý kabıneti ashyldy. Qazaqstanda týa bitken aýytqýdy hırýrgııalyq túzetýdiń ınnovatsııalyq shaǵyn ınvazıvti ádisteri sátti qoldanylyp keledi. Jyl saıyn týa bitken aqaýy bar jańa týǵan nárestelerge 1,5 myńnan astam ota jasalady. Búgingi tańda balalar kardıohırýrgııasy men ınterventsııalyq kardıologııasy tabysty damyp keledi. Jyl saıyn Qazaqstan Respýblıkasynda týa bitken júrek aqaýy bar balalarǵa 3 jáne 4 kúrdelilik deńgeıi bar 2,5 myńnan astam hırýrgııalyq ota jasalady. Polıhımıoterapııanyń, gemopoezdik diń jasýshalaryn transplantatsııalaýdyń, ıntravıtrealdi hımıoterapııanyń, aǵzany saqtaıtyn hırýrgııalyq aralasýdyń zamanaýı baǵdarlamalaryn engizý Qazaqstanda qaterli isigi bar balalardyń jalpy ómir súrý deńgeıin 74,6% deıin arttyrýǵa jáne olardyń ómir súrý sapasyn jaqsartýǵa múmkindik berdi», - dep atap ótti Densaýlyq saqtaý vıtse-mınıstri Vıacheslav Dýdnık.
Sanjar Asfendııarov atyndaǵy QazUMÝ rektory Marat Shoranov balalarǵa sapaly medıtsınalyq kómek kórsetýdiń mańyzyna toqtaldy.
«Pedıatrııa jáne balalar hırýrgııasy ǵylymı ortalyǵynyń 90 jyldyq mereıtoıy Balalar jylymen tuspa-tus kelýi qýantady. Osy jyldar ishinde ortalyq sońǵy medıtsınalyq tehnologııalardy meńgerip, dıagnostıkanyń, emdeýdiń jáne ońaltýdyń zamanaýı ádisterin engizdi, bolashaǵynan úmit kútetin myqty jas mamandardy tárbıeledi. Kásipke degen adaldyǵyńyz ben meıirimińizge, dúnıedegi eń úlken qundylyq – adam densaýlyǵy men bala ómirin saqtaýǵa qosyp jatqan jatqan súbeli úlesterińizge alǵys aıtqym keledi. Osyndaı baı tájirıbe, klınıkada keńinen qoldanylatyn zamanaýı medıtsınalyq tehnologııalar, árıne, ujymnyń joǵary kásibıligi - ortalyqtyń tabysty, jemisti jumysynyń kepili», - dep atap ótti rektor.
Saltanatty sharada Pedıatrııa jáne balalar hırýrgııasy ǵylymı ortalyǵynyń ótkeni men búgini, jetistigi men damýy jáne ortalyqtyń otandyq pedıatrııa qyzmetiniń damýyna qosqan úlesi sóz bolyp, densaýlyq saqtaý salasyna ólsheýsiz úles qosqan ortalyqtyń birqatar qyzmetkerleri marapattaldy.
Aıta keteıik, Pedıatrııa jáne balalar hırýrgııasy ǵylymı ortalyǵynyń negizi 1932 jyly 28 qarashada Ana men bala densaýlyǵyn qorǵaý ǵylymı zertteý ınstıtýty retinde qalandy.
Búginde ortalyq bilikti de tájirıbeli mamandary, qýatty materıaldyq bazasy bar, jańa zaman talaptaryna saı medıtsınalyq tehnologııalardy qoldanatyn jetekshi ǵylymı-zertteý jáne klınıkalyq mekemege aınalyp otyr.
Pedıatrııa ortalyǵynda 700-den astam qyzmetker balalar saýlyǵy jolynda aıanbaı qyzmet etýde.
Klınıkada jylyna jańa týǵan náresteden bastap 18 jasqa deıingi Qazaqstannyń barlyq óńirinen 6000-nan astam bala em alady.
