Qaterli isikke shaldyqsań - Kılımandjaro taýyna kóteril, aýrýdy jeńesiń, deıdi ońtústikafrıkalyq mamandar
ASTANA. Mamyrdyń 12-si. QazAqparat - Qaterli isikke shaldyqsań - Kılımandjaro taýyna kóteril, aýrýdy jeńesiń, deıdi ońtústikafrıkalyq mamandar. Shyńǵa kóterilý - qaterli isiktiń jekelegen túrlerin emdeý kezindegi hımııalyq terapııaǵa barabar, deıdi ońtústikafrıkalyq dáriger Ilze-Marı Hanekom.
Jaqynda Afrıkanyń eń bıik shyńy sanalatyn - Klımandjaro taýyna kóterilgen ońtústikafrıkalyq top Tanzanııadan oraldy. Osynaý sapardyń arqasynda, top músheleriniń biri - kásipker Laıonel Grınberg Hodjkın lımfa syrqatyn jeńe alǵan. Jıhankezderdi taýǵa tájirıbeli alpınıst Robbı Koetın alyp barǵan.
«Taýǵa kóterilý - qaterli isikti emdeýmen barabar. Júrip kele jatqan úlken joldyń tek aldyńdaǵy onshaqty metr bóligin ǵana kóresiń, seniń nazaryń sol tar soqpaqqa ǵana túsedi. Bul hımııalyq terapııa kezindegideı, qınalý, sharshaý arqyly ótken kezde, tóńirekteginiń bárin umytasyń. Taýdy baǵyndyra otyryp, sen ózińdi baǵyndyrýyń kerek - qaterli isikti emdegen kezde de solaı, ony bastan keshirý emes, jeńý kerek», deıdi alpınıst.
Robbı Koetınniń pikirinshe, Klımandjaro Everest sııaqty bıik bolmaǵanymen, onda klımatqa beıimdelýge ýaqyt az ketedi eken. Sebebi onda shyńǵa tezirek kóterilesiń - táýligine 1 myń metrdi baǵyndyryp otyrasyń, deıdi ońtústikafrıkalyqtardyń ishinde Everesti 17-shi bolyp baǵyndyrǵan sportshy. Robbı Koetın.
