Qaterli isikke shaldyqqan bir naýqasty emdeýge jylyna 30 mln teńge jumsalady
NUR-SULTAN. QazAqparat – Qaterli isiktiń asqynǵan túrimen aýyratyn bir naýqasty emdeý úshin jylyna 30 mln teńgeden astam qarajat jumsalady. Bul týraly Dúnıejúzilik lımfomalarmen kúres kúnine oraı QazAqparat tilshisine suhbat bergen Nur-Sultan qalasy ákimdigi kópsalaly medıtsına ortalyǵynyń dırektory Muhtar Tóleýtaev málimdedi.
«Onkologııanyń 3,4-shi satysyndaǵy bir naýqasty emdeý úshin jylyna 30 mln teńgeden astam qarajat jumsalady. Bul bizdiń emdeý mekemesi úshin óte aýyr. Buǵan qosa, asqynǵan túrdegi isik dertinen tolyq saýyǵyp ketý múmkindigi az», - dedi Nur-Sultan qalasy ákimdigi kópsalaly medıtsına ortalyǵynyń dırektory Muhtar Tóleýtaev.
Sondaı-aq, Muhtar Esenjanuly emdelý úshin Eýropa elderine baratyn azamattar sany jyl saıyn artyp kele jatqanyn málimdedi.
«Bizdiń sanamyzda «shetelde bári jaqsy» degen uǵym qalyptasyp qalǵan. Oǵan qosa, obyr aýrýyn bıznestiń kózine aınaldyrǵandar bar. Máselen, qazir Eýropada jaqsy em kórsetedi, tez saýyǵyp ketýge múmkindik mol degen jarnamalar kóp. Osyndaı aqparatqa senip, ózge jaqqa ketetinder az emes. Otandyq medıtsına olardan kem túspeıdi jáne QR kez kelgen azamaty tegin, memleket esebinen emdeledi. Al shetelge baryp, em alǵan azamat eń keminde 50-60 myń AQSh dollaryn jumsaıdy», - dep málimdedi Muhtar Tóleýtaev.
Budan ózge, onkolog-dáriger qaterli isikpen aýyryp, oǵan qosa koronavırýs juqtyrǵan naýqastar týraly derekti bólisti.
«Osy ýaqytqa deıin qaterli isikpen aýyratyn 200-ge jýyq azamat koronavırýs juqtyrdy. Infektsııanyń kesirinen 14 naýqas kóz jumdy. Olar onkologııanyń 3,4-shi satysyndaǵy adamdar. Aýyr jaǵdaıda jatqan azamattardyń aýrýyn koronavırýs odan saıyn órshitip jiberdi. Al 180-ge jýyq adam qajetti emin alyp, qazrgi tańda úıine oraldy», - dedi dáriger.
Muhtar Tóleýtaevtyń aıtýynsha, qazaqstandyqtar alǵashqy aýrý belgileri paıda bolǵanda dárigerdiń kómegine júginbeıdi. Jyl saıyn uıymdastyrylatyn skrınıngten ótýge de kópshiligi kelmeıtin kórinedi.
«Qalypty jaǵdaıda buryn-sondy bolmaǵan aýrý belgileri paıda bolsa, birden dárigerdiń kómegine júgingen abzal. Ol obyrdyń 1,2-shi satylarynda dıagnoz qoıyp, em-dom sharalaryna kirisip ketýge múmkindik beredi. Al bizdiń azamattar dertin asqyndyryp, amaly qalmaǵan kezde keledi. Budan bólek, obyrdyń basqa da aýrýlar sııaqty únemi mýtatsııaǵa túsip otyratynyn eskergen jón. Іsik aǵzada damyǵandyqtan, onda barlyq adam boıyndaǵy kletkalar ornalasady. Іsik jıi mýtatsııaǵa ushyraǵandyqtan, dári-dármekke tez beıimdeledi. ıAǵnı, qoldanylyp júrgen dári az ýaqyttan soń áser etpeı qalýy múmkin. Sondyqtan onyń ózgergen túrin arnaıy tásildermen anyqtap, ári qaraı aýyr dári qoldanýǵa týra keledi», - deıdi onkolog-dáriger Muhtar Esenjanuly.
Muhtar Tóleýtaevtyń málimetinshe, bıylǵy 1 qańtardaǵy jaǵdaı boıynsha 187 myńnan astam qazaqstandyq qaterli isikke shaldyqqan. ıAǵnı, árbir 100 myń adamnyń 76-synda obyr bar. Al atalǵan dertten 2019 jyly qaza bolǵandar sany - 14 145 adam.
Avtor: Álıhan Asqaruly
