Qaterli isikke shaldyqqan áıel sot arqyly $417 mln óndirip aldy
ASTANA. QazAqparat - Los-Andjeles soty Johnson & Johnson (J&J) kompanııasyn onkologııalyq isik aýrýyna shaldyqqan áıelge $417 mln ótemaqy tóleýge mindettegen.
Áıeldiń aıtýynsha, ol atalmysh kompanııanyń ónimin paıdalanǵannan keıin qaterli isikke shaldyqqan.
Associated Press habarlaǵandaı, sotqa shaǵymdy Kalıfornııa turǵyny Eva Echeverrıa túsirgen. Ol 2007 jyly analyq jynys bezi isigine shaldyqqan. Onyń pikirinshe, bul aýrýǵa - 1950 jyldan 2016 jylǵa deıin kún saıyn balalarǵa arnalǵan talki bar untaqty paıdalaný saldarynan shaldyqqan.
Sondaı-aq, Echeverrıa J&J kompanııasynyń tutynýshylarǵa talkti qoldaný qaýpi týraly eggjeı-tegjeıli eskertpegenin málimdedi.
Sottyń sheshimimen moraldyq zalal retinde $68 mln ótemaqy men $340 aıyppul tóleýge mindetteldi. J&J ókili Kerol Gýdrıch kompanııanyń sheshimge shaǵymdanatynyn atap ótti.
