Qaterli isikke qarsy kúres kúni: Astanalyqtar tegin keńes alyp, tekserýden ótti
NUR-SULTAN. QazAqparat – Búgin halyqaralyq qaterli isikke qarsy kúres kúni. Aıtýly kún aıasynda elorda turǵyndary úshin «Ashyq esik» sharasy uıymdastyryldy, dep habarlaıdy QazAqparat tilshisi.
«Nur-Sultan qalasynda 1-4 aqpan aralyǵynda onkologııalyq aýrýlardyń aldyn alý jáne erte anyqtaý boıynsha «Ashyq esik» kúnin ótkizdik. Jyl saıyn Nur-Sultan qalasynda 2 myńǵa jýyq jańa qaterli isigi bar naýqas tirkeledi. Búgingi tańda dıspanserlik esepte 11 548 myń adam tur. Ótken jyldyń qorytyndysy boıynsha elordada osyndaı dertpen 1898 adam tirkeldi. Qaterli isikke shaldyǵý kórsetkishi 2019 jyly 100 myń adamǵa shaqqanda 195,0-ti qurasa, 2020 jyly 100 myń turǵynǵa 164,0-ti qurady», - dedi Nur-Sultan qalasy kópsalaly medıtsına ortalyǵynyń dırektory Muhtar Tóleýtaev ataýly kúnge oraı onlaın ótken baspasóz máslıhatynda.
Ortalyq basshysynyń málimdeýinshe, atalǵan shara aıasynda elordalyqtar qaterli isiktiń aldyn alý men anyqtaý baǵytynda tekserýden ótip, mamandardan tegin keńes aldy.
Buǵan deıin habarlaǵanymyzdaı, elordada jyl saıyn 2 myńǵa jýyq adam obyrǵa shaldyǵatyny málim boldy.
