Qaterli isikke qarsy otandyq dári naryqqa qashan shyǵady
ASTANA. KAZINFORM – Alǵashqy qaterli isikke qarsy otandyq dári 2027 jyldyń ortasynda Qazaqstan naryǵyna shyǵarylmaq. Bul týraly Ǵylym jáne joǵary bilim mınıstri Saıasat Nurbek málim etti.
Onyń aıtýynsha, dárini ázirleý protsesiniń keshigýi klınıkalyq synaqtardy júrgizýge qoıylatyn qatań talaptarǵa baılanysty.
Qazirgi kezde synaqtardyń birinshi kezeńi sátti aıaqtaldy. Ǵalymdar synaqtyń ekinshi kezeńine kirisip jatyr.
— Kelesi jyldyń ortasyna qaraı ázirleý jumystaryn aıaqtap, dárini naryqqa birtindep shyǵara bastaýdy josparlap otyrmyz, — dedi Saıasat Nurbek. .
Eske salsaq, bıyl tamyz aıynda mınıstr qaterli isikke qarsy otandyq dáriniń dozırovkasy aıqyndalyp jatqanyn aıtqan edi.
