Qaterli isikke qarsy otandyq dári qashan tirkeýden ótedi
ASTANA. KAZINFORM – Ǵylym jáne joǵary bilim mınıstri Saıasat Nurbek qaterli isikke qarsy otandyq dárini tirkeý rásimine qatysty túsinik berdi.
- Qazir ekinshi satyny (klınıkalyq synaqty) tabysty ótip jatyrmyz. Pavlodar, Qaraǵandy, Almaty, Astana qalalarynda aýrýlar qosyldy. Nátıjelerin qyrkúıek aıynda baıandaımyz. Eger bári durys bolsa, jyldyń sońyna deıin dárini tirkeýge resmı túrde ruqsat beremiz, - dedi S. Nurbek Parlament palatalarynyń birlesken otyrysynan keıin tilshiler suraǵyna jaýap bere otyryp.
Eske salsaq, byltyr qańtarda Ǵylym jáne joǵary bilim mınıstri Saıasat Nurbek otandyq ǵalym qaterli isikke qarsy dári oılap tapqanyn aıtqan bolatyn.
Mınıstrdiń aıtýynsha, ınnovatsııalyq dárini aldymen qoıandar men tyshqandarǵa synaǵan. Sosyn onkologııa ýnıversıtetinde 15 adam synaqtyń birinshi kezeńnen ótti.