Qate jazatyn hakerler 770 mıllıon dollar urlyq aqshadan aıyryldy
ASTANA. QazAqparat - Hakerler Nıý-Iorktiń Federaldyq rezervtik bankiniń esepshottarynan orfografııalyq qatelik jibergenniń kesirinen 850 mıllıonǵa jýyq dollardy urlaı almady.
Kıberqylmyskerler tólemdi alýshynyń esimin jazýda qate jiberdi. Bul týraly The Guardian habarlap otyr.
Hakerler bank júıesin buzyp, shottardyń birinen 80 mıllıonnan astam dollardy tórt transhpen aýdara aldy. 20 mıllıon dollardy quraǵan besinshi transhty bank qyzmetkerleri toqtatqan. Olar «qor» sóziniń jazylýyndaǵy orfografııalyq qatege nazar aýdardy (qylmyskerler «foundation» sózin «fandation» dep jazǵan). Bul qarajat altyn-valıýtalyq qorlarynyń bir bóligin AQSh-tyń Federaldyq rezervtik júıesinde saqtaǵan Bangladesh Ortalyq bankiniń ıeliginde qarjy bolǵan, dep jazady lenta.ru.
Hakerler Nıý-Iorktiń Federaldyq rezervtik bankine Fılıppın jáne Shrı-Lankadaǵy túrli kompanııalardyń shottaryna qarajat aýdarý úshin shamamen 30 ótinim bergen. Qaskúnemder 850 mıllıonǵa jýyq dollardy urlamaq bolǵan.
