Qate komandanyń kesirinen Jerden mlrd shaqyrymda ushyp júrgen zondpen baılanys úzildi

ASTANA. QazAqparat – Amerıkalyq NASA ǵarysh agenttigi Jerden mıllıard shaqyrym jerde ushyp bara jatqan «Voıadjer-2» zondymen baılanysty úzip aldy. Zondqa baıqaýsyzda qate komanda berilip, keıinirek mamandar qurylǵynyń baqylaý sıgnalyn tapty. Olar baılanysty qalypqa keltirýge tyrysyp jatyr, dep habarlaıdy QazAqparat VVS-ge silteme jasap.

Qatelik saldarynan Jerge 2° baǵyttalǵan antenna ósinen aýytqyp ketip, zond komanda qabyldaı almaı qaldy.

NASA baǵdar júıesi qazanda avtomatty túrde qaıta jóndelip, qalpyna kelýi múmkin dep habarlady.

Baılanys 21 shildede joǵalǵan, al 2 tamyzda NASA-daǵy «Voıadjer» jobasynyń jetekshisi jýrnalısterge Alys ǵarysh jelisi, ıaǵnı, Jer men onyń orbıtasyndaǵy úlken radıoantennalar júıesi zondtyń baqylaý sıgnalyn ustaǵanyn aıtty.

«Biz qazir ǵarysh apparatymyz tiri jine jumys istep turǵanyn bilemiz. Osy nárse kóńil-kúıimizdi kóterdi», - dedi Dodd.

Biraq ázirge «Voıadjer» aqparat berip, komanda qabyldaı almaıdy.

Doddtyń sózinshe, qazir mamandar qurylǵy qabyldaýy múmkin, antennany qaıta baǵyttaýǵa arnalǵan komanda quryp jatyr. Biraq múmkindik az.

«Voıadjer-2» Jerden 19,9 mlrd shaqyrymnan asa qashyqtyqta, saǵatyna 55 346 shaqyrym jyldamdyqpen ushyp bara jatyr.