Qate eseptelgen salyqqa qatysty málimetti túzetýge bolady - komıtet

NUR-SULTAN. QazAqparat - Qazaqstandyqtar salyq salý obektileri boıynsha málimetterdi túzete alady, dep habarlaıdy QazAqparat Memlekettik kirister komıtetiniń baspasóz qyzmetine silteme jasap.

Komıtettiń málimdeýinshe, qate eseptelgen salyq nemese menshiginde joq jyljymaly nemese jyljymaıtyn múlik boıynsha salyq mindettemesin «Salyq ámııany» qyzmetiniń «Salyq salý obektileri» bóliminde túzetýge múmkindik bar.

«Munda siz ózińizdiń atyńyzda tirkelgen salyq salý obektileri (múlik, jer, kólik quraldary) týraly málimetti kóre alasyz. Salyq salý obektileri boıynsha qate málimetttiń problemasyn sheshý úshin derekterdi túzetý qyzmeti engizilgen. 2020 jyldyń 7 qyrkúıeginde kólik quraly salyǵy boıynsha salyq salý obektilerin túzetý fýnktsııasy iske qosyldy. 2020 jyldyń 11 qyrkúıeginde múlik salyǵy boıynsha salyq salý obektilerin túzetý fýnktsııasy iske qosyldy», delingen habarlamada.

Elektrondy ótinimdi «Salyq ámııany» arqyly ýákiletti memlekettik organdarǵa (Іshki ister mınıstrligi Ákimshilik polıtsııa komıteti jáne «Azamattarǵa arnalǵan úkimet» memlekettik korporatsııasy» UAO) nysandar týraly aqparatty jańartý úshin berýge bolady.

«Jer salyǵy boıynsha salyq salý obektileri týraly derekterdi túzetý qyzmeti 2020 jyldyń sońyna deıin júzege asyrylady», delingen habarlamada