Katarmen dıplomatııalyq qatynastaryn osymen on el toqtatty
ASTANA. QazAqparat - Komor araldary Katarmen dıplomatııalyq qatynastaryn úzdi. Bul týraly Komor araldary Odaǵynyń Syrtqy ister mınıstrliginde aıtyldy, dep jazdy búgin korrespondent.net.
Málimdemede Komordaǵy Katar elshisi elden ketýi qajettigi atalyp ótedi.
Komor araldary Odaǵy Shyǵys Afrıkada jáne Mozambık buǵazynyń soltústik bóligindegi Úndistan muhıtynda ornalasqan. Komor araldary odaǵy federatıvtik prezıdenttik respýblıka bolyp tabylady.
Bul Katarmen dıplomatııalyq qatynasty úzgen onynshy el. Budan buryn qatynasty Mavrıtanııa, Iemen, Lıvııa, Bahreın, Mysyr, BAÁ, Saýd Arabııa, Mavrıkıı jáne Maldııa Respýblıkalary toqtatqan bolatyn.
Katar «Islam memleketin» qarjylandyrdy dep aıyptalýda. Budan basqa, Doha, olardyń pikirinshe, basqa memleketterdiń ishki isterine aralasý áreketterin qabyldaıdy. Katar bul aıypty teriske shyǵaryp, munyń jalǵan ekenin aıtýda.
