Qatarlyq ınvestorlar «Manchester ıÝnaıted» klýbyn satyp almaq
Bloomberg News agenttiginen málim etkenindeı, qatarlyq ınvestorlar «Manchester ıÝnaıted» klýbyn satyp alý úshin shamamen 5 mlrd fýnt sterlıngke (6 mlrd dollar) bastapqy ótinimdi ázirlep jatyr.
Quramyna eldiń burynǵy premer-mınıstri jáne Qatar ınvestıtsııa basqarmasynyń eks-basshysy Hamad bın Djassım bın Djaber Al Tanı kiretin konsortsıým amerıkalyq Gleızer otbasynan klýbty satyp alý úshin usynymdy aıaqtap qalǵan.
Aldyn ala aqparatqa súıensek, talqylaý jalǵasýda. Ázirge túpkilikti sheshim qabyldanǵan joq.
Osy aptada Bloomberg News agenttigi QIA-nyń jergilikti otbasylyq ofıstermen birge tenderge daıyndyqqa kómektesip jatqanyn habarlady.
Kez kelgen usynys brıtandyq mıllıarder Djım Retklıff tarapynan qarsylyqqa tap bolary sózsiz, ol óz ótinimi úshin bankterden qarjy tartqan.
«Manchester ıÝnaıted» - álemdegi ataqty klýbtardyń biri. Oǵan qatysty áńgime ótken jazda Gleızerdiń otbasy úlesin satý týraly habar taraǵannan keıin órship ketken. Nıý-Iorktiń Raine Group bank Gleızerlerge keńes berýde.
