Qatarǵa saparmen barǵan Qazaqstan azamattarynyń sany belgili boldy

ASTANA. KAZINFORM — Syrtqy ister mınıstriniń orynbasary Álibek Baqaev Qatarǵa saparmen barǵan Qazaqstan azamattarynyń sanyna qatysty aıtyp berdi. 

— Árıne, Qatarda Qazaqstan azamattary bar. Qurban bolǵandar arasynda elimizdiń azamattary joq, ıaǵnı bul jaǵdaıǵa qatysty elshilikke eshkim habarlaspady. Qazir 1,5 myń azamat Qatarda júrgeni belgili. Sonyń ishinde 516-sy konsýldyq esepte tur. Olarmen turaqty baılanystamyz, — dedi Álibek Baqaev Parlament Májilisinde tilshiler suraǵyna jaýap bere otyryp.

Eske salaıyq, 9 qyrkúıekte Izraıl Doha qalasyna áýeden soqqy jasady. 

Saldarynan Qatardyń ishki qaýipsizdik kúshteriniń qyzmetkeri qaza tapty. 

Izraıl Doha shabýyly úshin jaýapkershilikti tolyq óz moınyna aldy. 

Prezıdent Dohada Izraıl bıligi jasaǵan áskerı aktsııany aıyptaıdy.