Qatarǵa barady: «Qaırat» komandasy Dastan Sátpaev týraly málimdeme jasady
ASTANA. KAZINFORM - «Qaırat» komandasynyń fýtbolshysy Dastan Sátpaev Qatarǵa qosymsha qaralýǵa attanady. Bul jóninde komandanyń baspasóz qyzmeti málim etti.
- Búgin túnde ol dárigerlerdiń usynysy boıynsha qosymsha qaralýǵa Dohaǵa jol tartady, - dep jazylǵan habarlamada.
Aıta ketsek, osyndaı sebepterge baılanysty ol 2026 jylǵy álem chempıonatynyń irikteý kezeńindegi Lıhtenshteın jáne Soltústik Makedonııaǵa qarsy oıyndardan jaraqatyna baılanysty shet qaldy.
Dastan Sátpaev 2007 jyly 12 tamyzda Almaty qalasynda dúnıege kelgen. 2024 jyldan beri almatylyq «Qaırat» komandasy sapynda 24 kezdesýde 12 gol soǵyp úlgerdi.
Al ulttyq qurama sapyndaǵy alǵashqy oıynyn 2025 jyldyń 19 naýryzynda Kıýrasao quramasyna qarsy ótkizdi.
Aıta ketsek, jas shabýylshy bıylǵy jyldyń aqpan aıynda Anglııanyń «Chelsı» (London) klýbymen transfer boıynsha kelisimge keldi. Endi ol 18 jasqa tolǵannan keıin londondyq klýb sapyna qosyla alady.