Katardaǵy álem chempıonatyna Qazaqstannan 8 boksshy qatysady
ASTANA. QazAqparat - Halyqaralyq áýesqoı boks qaýymdastyǵy (AІVA) 5-15 qazan aralyǵynda Katarda ótetin álem chempıonatyna qatysýshylardyń tizimin bekitti, dep habarlady Qazaqstandyq boks federatsııasy.
Taılandtaǵy Azııa chempıonatynda jalpykomandalyq birinshi oryndy jeńip alǵan Qazaqstan quramasy álem birinshiligine segiz boksshyny jibergeli otyr, olardyń qatarynda shırek fınalda oıynnan shyǵyp qalǵan álem chempıony Jánibek Álimhanuly da bar. Bangkokte bizdiń qurama bes altyn, bir «kúmis» jáne bir qola medaldi oljalady.
Álem chempıonatyna qazaqstandyqtardy daıarlaý Astanada Myrzaǵalı Aıtjanovtyń basshylyǵymen júrgizilýde. Komanda Katarǵa 2 qazan kúni attanady.
Quramanyń tolyq tizimi mynadaı:
52 kelige deıin - Oljas Sáttibaev;
56 kelige deıin - Qaırat Eralıev;
60 kelige deıin - Zákir Safıýllın;
69 kelige deıin - Danııar Eleýsinov;
75 kelige deıin - Jánibek Álimhanuly;
81 kelige deıin - Ádilbek Nııazymbetov;
91 kelige deıin - Vasılıı Levıt;
91 keliden joǵary - Ivan Dychko.
Katar astanasy - Dohada Rıo-de-Janeıroda ótetin Olımpıada oıyndaryna joldamalar oınalady. Ázirge qazaqstandyq Birjan Jaqypov (49 kelige deıin), Berik Ábdirahmanov (60 kelige deıin) jáne Vasılıı Levıt (91 kelige deıin) lıtsenzııa ıegerleri bolyp otyr.
