Qatardaǵy zaýytta jarylys boldy
ASTANA. KAZINFORM — Jarylys Doha qalasynyń soltústik-shyǵysyndaǵy Ras-Laffan ónerkásiptik aımaǵyndaǵy zaýyttardyń birinde boldy, dep habarlaıdy Report.
Bul týraly Qatar Іshki ister mınıstrligi jarııalady.
Atalǵan aýmaqta Qatardyń suıytylǵan tabıǵı gaz óndiretin negizgi nysandary ornalasqan. Málimetke sáıkes, oqıǵa saldarynan eshkim zardap shekken joq.
— Ras-Laffan ónerkásiptik aımaǵyndaǵy zaýyttardyń birinde jergilikti sıpattaǵy jarylys boldy. Azamattyq qorǵanys kúshteri oqıǵanyń saldaryn joıý jumystaryn júrgizip jatyr. Zardap shekkender men gazdyń nemese basqa zattardyń syrtqa shyǵý faktileri tirkelgen joq, — delingen vedomstvo málimdemesinde.
Al TASS agenttiginiń málimetinshe, zaýyttaǵy jarylystan birneshe adam zardap shekken.
Aıta keteıik, Ózbekstanda janarmaı beketinde bolǵan jarylystan 6 adam qaza tapty.
