Qatardaǵy krýızdik laınerde qalǵan qyrǵyzstandyqtar 8 naýryzda elge oralady

ASTANA. KAZINFORM — Qatardaǵy krýızdik laınerde qalǵan Qyrǵyzstan azamattary Doha qalasynan Saýd Arabııasyna jolǵa shyqty. Bul týraly Qyrǵyzstan prezıdentiniń baspasóz hatshysy Askat Alagozov habarlady, dep jazady Kabar.

Onyń málimetinshe, barlyǵy 134 azamat bar. Olar avtobýspen Doha qalasynan Er-Rııad qalasyna jetip, sol jerden ushaqpen Bishkek qalasyna ushyp keledi.

Azamattardyń memlekettik shekaralardan ótýin uıymdastyrý jáne kelissózder júrgizý jumystaryn Qyrǵyzstannyń Syrtqy ister mınıstrligi men atalǵan elderdegi elshilikteri júzege asyryp jatyr.

Dohadan shyqqan azamattar 8 naýryz kúni keshke Er-Rııadtan ushatyn reıspen Qyrǵyzstanǵa jetedi dep josparlanǵan.

Eske sala keteıik, Qyrǵyzstan prezıdenti Sadyr Japarov Taıaý Shyǵystaǵy ahýalǵa baılanysty sol óńirde qalǵan Qyrǵyzstan azamattaryn elge qaıtarýdy tapsyrǵan bolatyn. Bul uıymdastyrý jumystary onyń jeke baqylaýynda.

Osy ýaqytqa deıin Birikken Arab Ámirlikteri aýmaǵynan arnaıy eki reıspen 260 qyrǵyzstandyq óz otanyna jetkizilgen.

Budan buryn Qyrǵyzstan Syrtqy ister mınıstrligi prezıdenttiń tapsyrmasy boıynsha Saýd Arabııasy, BAÁ jáne Omanmen qyrǵyz azamattaryn evakýatsııalaý reısterin uıymdastyrý boıynsha kelissóz júrgizip jatqany belgili boldy.