Qatardaǵy ahýal beıbit turǵyndar úshin qaýipsiz — elshilik
ASTANA. KAZINFORM — Qazaqstan Respýblıkasynyń Qatar memleketindegi elshiligi Katardaǵy ahýal beıbit turǵyndar úshin qaýipsiz ekenin málimdedi.
— Qurmetti Katardaǵy Qazaqstan Respýblıkasynyń azamattary! Qazirgi ýaqytta Katardaǵy ahýal beıbit turǵyndar úshin qaýipsiz. Dúrbeleńge salynbaýdy, qaýipsiz jerde qalýlaryńyzdy jáne jalpy qaýipsizdik erejelerin saqtaýlaryńyzdy suraımyz, — delingen Qazaqstan Respýblıkasynyń Qatar memleketindegi elshiligi taratqan habarlamada.
Katarda qalyp qoıǵan qazaqstandyq týrısterge qatysty, málim bolǵandaı, qazirgi ýaqytta Katardyń áýe keńistigi tolyǵymen jabyq.
Áýe qozǵalysy qalpyna kelgen boıda qazaqstandyq týroperatorlarǵa jańa ushý kúnderi týraly habarlanady.
Tıisti jumystar júrgizilip jatyr.
— Elshilik jaǵdaıdy jiti qadaǵalap otyr jáne qajet bolǵan jaǵdaıda eki eldiń jaýapty organdarymen kelise otyryp, qazaqstandyq azamattardyń qaýipsizdigin qamtamasyz etý úshin qosymsha sharalar qabyldaıdy. Jaǵdaı turaqtalǵansha qaýipsiz jerde qalýlaryńyzdy ótinemiz, — delingen habarlamada.
Tótenshe jaǵdaı kezindegi elshiliktiń baılanys nómirleri:
+974 4411 0527
+974 4412 8015
+974 5064 9955
Aıta ketelik Iran AQSh-tyń Katar men Iraktaǵy bazalaryna shabýyl jasaǵan edi.