Qatarda jándikterden jasalǵan tamaqty satýǵa tyıym salyndy

ASTANA. QazAqparat – Qatar qoǵamdyq densaýlyq saqtaý mınıstrligi quramynda jándikteri bar tamaq ónimderin satýǵa tyıym saldy. Bul sheshim Eýroodaqtyń jeýge ruqsat etilgen jándikter tizimin keńeıtý týraly ;arlyǵynan keıin qabyldandy, dep habarlaıdy QazAqparat vedomstvonyń Twitter akkaýntyna silteme jasap.

«Qoǵamdyq densaýlyq saqtaý mınıstrligi keıbir elderdiń tamaq daıyndaýda jándikterdi paıdalanýdy maquldaǵan sheshimi týraly aqparattyń taralýyna baılanysty quramynda jándikteri bar taǵamdardy satýǵa tyıym salatynyn málimdeıdi. Mundaı ónimder halal taǵamnyń tehnıkalyq talaptaryna jáne jándikterdi, proteındi nemese odan jasalǵan qospalardy jeýge tyıym salatyn bıliktiń dinı pikirine sáıkes kelmeıdi», - delingen mınıstrliktiń habarlamasynda.

Buǵan deıin Eýropa azyq-túlik qaýipsizdigi basqarmasy qaýly shyǵaryp, Eýroodaq elderinde úı shegirtkesinen jasalǵan ishinara maısyzdandyrylǵan undy jeýge ruqsat etilgeni habarlanǵan edi.

Mundaı un shegirtkelerdi untaqtaý arqyly alynady.

Olardy bir kún boıy tamaqtandyrmaıdy, sodan keıin muzdatady, jýady, termııalyq óńdeýden ótkizedi, maısyzdandyrady, sodan keıin untaqtaıdy.

Mundaı ónim aqýyzǵa baı jáne aǵzaǵa zııansyz dep sanalady.

Jańa normalarǵa sáıkes shegirtke unyn pıtstsaǵa, makaronǵa, taǵamdarǵa, tuzdyqtarǵa, pisirý qospalaryna, keıbir óńdelgen taǵamdarǵa qosýǵa ruqsat etilgen.

Foto: Jair Cabrera / Globallookpress.com