Qatarda shólge tózimdi sý saqtaý jobalary iske qosylmaq

DOHA. KAZINFORM — Qatarda shól dalada sý resýrstaryn saqtaý boıynsha jańa klımatqa tózimdi bastamalar júzege asyrylmaqshy. Media City uıymymen birlese otyryp, shóldi ári qurǵaq klımat eskerilip, sý resýrstaryn saqtaý boıynsha ınnovatsııalyq klımatqa tózimdi bastamalar qolǵa alynyp otyr, dep jazdy Euronews.

Eki qatarlyq ekotehnologııalyq kompanııa aspannan ylǵal jınap, odan sý óndirý tehnologııasyn qoldanbaqshy: bireýi — adamdardyń shólin qandyrýǵa arnalǵan, al ekinshisi — aýyl sharýashylyǵy daqyldaryn sýarýǵa arnalǵan sý óndiredi.

Qatar 365 baǵdarlamasynyń jańa shyǵarylymynda Qatardaǵy turaqty damý baǵytyndaǵy bastamalar men tájirıbeler talqylandy. Baǵdarlama júrgizýshisi Adel Halım Bangladeshtiń ýaqytsha kóshbasshysy, Nobel syılyǵynyń laýreaty professor Muhammed ıÝnýspen suhbattasyp, ǵalamshardy qorǵaýǵa baǵyttalǵan jahandyq áreketterdiń ne sebepti sátsizdikke ushyrap jatqanyn talqylady.

Sondaı-aq baǵdarlama toby ConocoPhillips kompanııasynyń Ǵalamdyq sý resýrstaryn turaqty damytý ortalyǵyna bardy. Djoanna Hoes eki ekotehnologııalyq kompanııany — Skydrops pen agrotehnologııalyq startap VFarms-ty aralap shyqty. Bul kompanııalar jergilikti jerde «aqyldy» sý men azyq-túlik sheshimderin usynady.

Eske sala keteıik, Qatardyń Power International Holding (PIH) kompanııasy Astana Hub halyqaralyq tehnoparkine tirkeldi. Alpaýyt holdıng ózine tıesili tsıfrlyq sheshimderdi Astanadaǵy startap alańynda iske asyrý múmkindikterin qarastyryp jatyr.