Katarda órtte qaza tapqandardyń barlyǵy sheteldikter boldy
ASTANA. 29 mamyr. QazAqparat - 28 mamyr kúni Katarda órtte qaza tapqandardyń barlyǵy sheteldik azamattar boldy, dep habarlaıdy RBK.
El astanasy Dohadaǵy Villagio saýda ortalyǵynda bolǵan órttiń saldarynan 19 adam qaza tapty, onyń 13-i - balalar. Aldyn ala málimetter boıynsha, olardyń arasynda Ispanııa, Fılıppın, Benın jáne basqa da memleketterdiń azamattary boldy.
Resmı emes málimetterge súıensek, órt balalardyń oıyn alańynda boldy. Órttiń shyǵý sebepteri anyqtalýda. Katardyń bılik ókilderi qaıǵyly oqıǵany tergeý úshin arnaıy komıssııa qurylatyndyǵyn málimdedi.
Villagio saýda ortalyǵy 2006 jyly salyndy. Ol týrıster men jergilikti turǵyndar arasynda tanymaldylyqqa ıe.
