Katarda maskasyz júrgen adamǵa 53 000 dollar aıyppul salynady
DOHA. QazAqparat – Katardyń Іshki ister mınıstrligi jeksenbiden bastap úıden shyqqanda barlyq adamǵa maska taǵý mindettelgenin jarııalady. Bul talapty buzǵan adamǵa 200 000 rıalǵa deıin (53 000 AQSh dollary) aıyppul salynady, dep habarlaıdy QazAqparat Reuters agenttigine silteme jasap.
«Maskasyz júrgen azamattar úsh jylǵa deıin túrmege qamalýy múmkin», dep habarlandy mınıstrliktiń Twitter paraqshasynda.
Eger adam kólikte jalǵyz kele jatsa, onda maska taqpaýǵa bolady.
Sońǵy táýlikte Katarda koronavırýs juqtyrǵan 1733 jańa jaǵdaı tirkeldi. Elde aýrý juqtyrǵandardyń jalpy sany 28 272 adamǵa jetti. 14 adam qaýipti vırýstan kóz jumǵan.
