Katarda kún ystyqta mıgranttardyń jumys jasaýyna tyıym salynbaq
ASTANA. QazAqparat - Katardyń Eńbek mınıstrligi 2022 jyly elde ótetin fýtboldan Álem chempıonaty aldynda mıgrant-jumysshylardyń jaǵdaıyn jaqsartýdy qolǵa aldy, dep habarlady sheteldik BAQ.
Katar bıligi jumys berýshilerdiń shetelden keletin jumys kúshine durys qaraýyn únemi qadaǵalap otyrady. Endi usynylǵan sharaǵa sáıkes, táýliktiń eń ystyq ýaqytynda mıgranttarǵa dalada jumys isteýge tyıym salyndy, delingen habarlamada.
Sondaı-aq, jumys berýshiler jumysshylaryna jalaqysyn elektrondy túrde ýaqytyly berip turýy qajet bolady.
Mınıstrliktiń habarlaýynsha, munyń barlyǵyn júzege asyrý úshin áli de biraz jumys jasalynýy qajet.
