Katarda QR Táýelsizdik kúnine oraı saltanatty qabyldaý ótti
Bul týraly «QazAqparat» HAA menshikti tilshisi habarlady.
Іs-sharaǵa Katar memleketiniń Vakýfter jáne ıslam isi boıynsha mınıstri Gaıs ben Mýbarak Al-Kaýarı, SІM bas hatshysy Ahmad Al-Hamadı, «Qatar Airways» áýe kompanııasynyń basshysy Akbar Al-Baker, «Katara Cultural village» mádenı qalashyǵynyń dırektory Halıd ben Ibragım Al-Sýlaıtı, sondaı-aq bıznesmender, Katardaǵy dıplomatııalyq mıssııa basshylary qatysty.
Qatardaǵy Qazaqstan Respýblıkasynyń Tótenshe jáne Ókiletti Elshisi Asqar Shoqybaev óz sózinde Táýelsizdik alǵan alǵashqy jyldary zamanaýı memlekettiń negizin qalaý barysyndaǵy jáne ony damytý kezindegi Elbasy Nursultan Nazarbaevtyń qabyldaǵan basty sheshimderi men ustanǵan qaǵıdalaryna keńinen toqtaldy. Sondaı-aq, sońǵy 26 jyl ishindegi eldiń saıası, ekonomıkalyq jáne mádenı-gýmanıtarlyq salalardaǵy jetistikterin, elimizdiń halyqaralyq arenadaǵy bedeli men rólin atap ótti.
Budan bólek, elshi qabyldaýǵa kelgen qonaqtarǵa Qazaqstan men Katardyń ekijaqty yntymaqtastyǵynyń búgingi tańdaǵy jetistigi men ony damytýdyń keleshegi týraly baıandady.
Qabyldaý aıasynda tanymal qazaqstandyq «Magic of Nomads» etno-djaz tobynyń jáne opera ánshisi Bereke Eńkebaevanyń kontserti ótti.
