Qatarda elshilik kazaqstandyq eriktilerdiń evakýatsııalyq sharalarǵa qosqan úlesin atap ótti
ASTANA. KAZINFORM - Qazaqstan Respýblıkasynyń Katar Memleketindegi Elshiligi óńirdegi tótenshe jaǵdaı kezinde evakýatsııalyq is-sharalardy uıymdastyrýǵa úles qosqan Qatarda turatyn qazaqstandyq eriktilermen kezdesý ótkizdi.
QR Syrtqy ister mınıstrligi baspasóz qyzmetiniń habarlaýynsha, is-shara barysynda QR Qatardaǵy Elshisi Arman Isaǵalıev eriktilerdiń joǵary jaýapkershiligi men qıyn jaǵdaılarda úılesimdi áreket etý qabiletin erekshe atap ótti.
Elshi óz sózinde Memleket basshysy Qasym-Jomart Toqaevtyń: «Erikti bolý – ıgi ister jasaý, jaqsylyq istep, basqaǵa úlgi kórsetý, Otanyńa adal qyzmet etý, týǵan jerińe janashyr bolý» degen sózderin keltirip, bul qaǵıdattardyń atalǵan jaǵdaıda tolyq kórinis tapqanyn jetkizdi.
Sonymen qatar, eriktilerdiń qyzmeti shynaıy patrıotızm men azamattyq birliktiń jarqyn úlgisi ekeni aıtyldy.
Qıyn ári qaýipti kezeńge qaramastan, qazaqstandyq eriktiler Elshilikpen birge úılesimdi túrde uıymshyldyq, batyldyq pen janashyrlyq tanytyp, Qazaqstan azamattaryna, onyń ishinde balalarǵa, áıelderge jáne múgedektigi bar tulǵalarǵa jan-jaqty kómek kórsetti.
Jalpy, Katardaǵy qazaqstandyq eriktiler evakýatsııanyń barlyq kezeńderi barysynda Elshiliktiń uıymdastyrý jumystaryna eleýli úles qosty.
Osyǵan deıin eriktilerdiń eńbegi memlekettik qyzmetke ornalasý barysynda eskeriletini týraly jazdyq.
