Qatarda burynǵy ámirdiń qazasyna baılanysty tórt kúndik aza tutý jarııalandy
ASTANA. KAZINFORM — Qatarda burynǵy ámir sheıh Hamad ben Halıfa Ál Tanıdiń qaıtys bolýyna baılanysty tórt kúndik jalpyulttyq aza tutý jarııalandy, dep habarlaıdy QNA.
Qatar Ámiriniń keńsesiniń málimetinshe, jalpyulttyq aza tutý 2026 jylǵy 12 shildeden bastalady.
Osyǵan baılanysty 13 shildeden bastap eldegi barlyq mınıstrlik, memlekettik mekeme men uıymnyń jumysy ýaqytsha toqtatylady. Qyzmetkerler jumysqa 19 shilde, jeksenbi kúni qaıta oralady.
Aza tutý kúnderi Qatar aýmaǵyndaǵy barlyq memlekettik týlar tómen túsiriledi.
Osyǵan deıin Qatardyń burynǵy ámiri sheıh Hamad ben Halıfa Ál Tanı qaıtys bolǵany týraly jazdyq.
