Katarda Arab lıgasynyń sammıti ótip jatyr
ASTANA. 26 naýryz. QazAqparat - Katar astanasy Dohada Arab lıgasy elderiniń eki kúndik sammıti bastaldy.
Katar ámiri bıylǵy sammıtke Sırııa oppozıtsııasyn Sırııa atynan qatysýǵa shaqyrdy, dep habarlaıdy «Azattyq».
Arab lıgasy 2011 jyldyń sońynda eldegi qaqtyǵystarǵa qarsylyq retinde Sırııanyń músheligin toqtatqan edi.
Sırııa oppozıtsııasynda oppozıtsııalyq úkimetti jasaqtaýǵa baılanysty alaýyzdyq týyndaǵan edi. Ótken aptada ıslamshyl Gassan Hıtto oppozıtsııalyq toptardyń qarsylyǵyna qaramastan oppozıtsııalyq úkimettiń premer-mınıstri bolyp saılanǵan bolatyn. Budan soń Ulttyq oppozıtsııalyq koalıtsııa jetekshisi Mýaz ál-Hatıb otstavkaǵa ketýge ótinish berdi.
Biraq sammıtke qatysýshy elder Mýaz ál-Hatıb jıynǵa qatysyp, sóz sóıleıdi degen senimde.
